कराड प्रतिनिधी | चांगभलं वृत्तसेवा
सह्याद्री व्याघ्र प्रकल्पातील चांदोली जंगल परिसरात पर्यटकांसाठी एक अविस्मरणीय क्षण अनुभवायला मिळाला. २० जानेवारी रोजी सायंकाळी ४ ते ५ वाजण्याच्या सुमारास झोलंबी जंगल सफारी मार्गावर ‘तारा’ या वाघिणीचे अद्भुत दर्शन घडले.
सफारीदरम्यान अचानक समोर आलेली तारा वाघीण आपल्या राजस हालचालींनी आणि आत्मविश्वासपूर्ण वावराने पर्यटकांचे लक्ष वेधून घेत होती. जंगलातील विविध प्रदेशांच्या खुणा न्याहाळत, शांतपणे चालणारी तारा तब्बल दहा मिनिटांहून अधिक काळ पर्यटकांच्या नजरेसमोर होती. तिची देखणी देहयष्टी, सावध नजर आणि सहज वावर पाहून पर्यटक मंत्रमुग्ध झाले.
सह्याद्री व्याघ्र प्रकल्पातील जैवविविधतेचे हे जिवंत उदाहरण असून, अशा दुर्मीळ आणि रोमांचक वन्यजीव दर्शनामुळे जंगल सफारीचा अनुभव अधिक समृद्ध होत असल्याचे पर्यटकांनी सांगितले.
निसर्गप्रेमी आणि वन्यजीव अभ्यासकांसाठी चांदोली – सह्याद्री व्याघ्र प्रकल्प हा अनुभव घेण्यासारखा ठरत असून, अशा अद्भुत सफारी अनुभवांसाठी पर्यटकांनी या परिसराला अवश्य भेट द्यावी.
(वाघीण तारा - छायाचित्र - अमित माने)
➖➖➖➖➖➖➖➖➖➖➖➖➖➖
#तारावाघीण #झोलंबीसफारी
#चांदोलीजंगल #सह्याद्रीव्याघ्रप्रकल्प
#वन्यजीवदर्शन #TigerSafari
#WildlifeNews #ForestSafari
#NatureLovers #ChangbhalaNews
0 टिप्पण्या