गोटे ग्रामपंचायत सचिवालयाचा उद्या भव्य उद्‌घाटन सोहळा; पृथ्वीराजबाबा चव्हाण यांच्या अध्यक्षतेखाली काँग्रेसचा मेळावा

 

सौ. सुनंदा नामदेव पाटील यांच्या वाढदिवसानिमित्त आयोजन

कराड, दि. १९ डिसेंबर २०२५ | चांगभलं वृत्तसेवा

गोटे ग्रामपंचायत सचिवालयाच्या उद्‌घाटनानिमित्त काँग्रेस पक्षाच्यावतीने मेळाव्याचे आयोजन करण्यात आले असून या कार्यक्रमाचे अध्यक्षस्थान महाराष्ट्र राज्याचे माजी मुख्यमंत्री पृथ्वीराज चव्हाण भूषविणार आहेत. यावेळी मा. सौ. सुनंदा नामदेव पाटील यांचा वाढदिवस व अभिष्टचिंतन सोहळाही उत्साहात साजरा करण्यात येणार आहे. हा संयुक्त कार्यक्रम शनिवार, दिनांक २० डिसेंबर २०२५ रोजी सायंकाळी ५ वाजता गोटे ग्रामपंचायत कार्यालयासमोर आयोजित करण्यात आला आहे.


गोटे ग्रामपंचायत सचिवालयासाठी माजी मुख्यमंत्री पृथ्वीराज चव्हाण यांच्या प्रयत्नातून भरघोस निधी उपलब्ध झाला होता. या निधीतून सुसज्ज व आधुनिक इमारतीचे काम पूर्ण करण्यात आले असून या नव्या सचिवालयाचे भव्य उद्‌घाटन त्यांच्या हस्ते होणार आहे. या सचिवालयामुळे ग्रामपंचायतीचे प्रशासकीय कामकाज अधिक सुलभ, गतिमान व लोकाभिमुख होणार असल्याची भावना ग्रामस्थांमधून व्यक्त होत आहे.

या कार्यक्रमास उदयसिंह पाटील यांची प्रमुख उपस्थिती लाभणार असून नामदेवराव पाटील व अजितराव पाटील यांची विशेष उपस्थिती असणार आहे. तसेच गोटे ग्रामपंचायतीच्या सरपंच वहिदा शेख, उपसरपंच कोमल लादे, सर्व ग्रामपंचायत सदस्य, काँग्रेस पक्षाचे पदाधिकारी, कार्यकर्ते तसेच ग्रामस्थ मोठ्या संख्येने उपस्थित राहणार आहेत.

उद्‌घाटन समारंभानंतर मा. सौ. सुनंदा नामदेव पाटील यांचा वाढदिवस साजरा करण्यात येणार असून, या निमित्ताने आयोजित करण्यात आलेल्या काँग्रेसच्या भव्य मेळाव्यामुळे वारुंजी जिल्हा परिषद गटात राजकीय व सामाजिक उत्साहाचे वातावरण निर्माण झाले आहे.

➖➖➖➖➖➖➖➖➖➖➖➖➖➖➖➖➖

#GoteGrampanchayat #GoteSecretariat #PrithvirajChavan #SunandaNamdevPatil #CongressMelava #KaradNews #SataraPolitics #GrampanchayatDevelopment #LocalGovernance #ChangbhalaNews