काले-किरपे अंतर्गत रस्त्यांसाठी ८० लाखांचा निधी मंजूर; आ. डॉ. अतुलबाबा भोसले यांच्या पाठपुराव्याला यश

कराड प्रतिनिधी | चांगभलं वृत्तसेवा

कराड दक्षिण मतदारसंघातील काले आणि किरपे गावातील अंतर्गत रस्ते सुधारणा कामासाठी भाजपाचे जिल्हाध्यक्ष आ.डॉ. अतुलबाबा भोसले यांच्या विशेष प्रयत्नांमुळे एकूण ८० लाख रुपयांचा निधी मंजूर झाला आहे. राज्य शासनाच्या ग्रामविकास व पंचायतराज विभागाच्या माध्यमातून हा निधी मंजूर झाला असून, याबाबतचा शासन आदेश नुकताच प्रसिद्ध करण्यात आला आहे.

कराड दक्षिण मतदारसंघातील विविध गावांमधील विकासकामांसाठी निधी मिळावा, यासाठी आ.डॉ. अतुलबाबा भोसले सातत्याने शासनस्तरावर पाठपुरावा करत आहेत. याबाबत त्यांच्यामार्फत दाखल झालेल्या प्रस्तावांची आणि मागण्यांची दखल घेत, ग्रामविकास व पंचायतराज मंत्री ना. जयकुमार गोरे यांनी ग्रामीण विकास कार्यक्रमाच्या २५-१५ योजनेअंतर्गत काले आणि किरपे गावातील विकासकामांसाठी एकूण ८० लाखांचा निधी मंजूर केला आहे.

या निधीच्या माध्यमातून काले येथील अंतर्गत रस्ते सुधारणा करणे (३० लाख), किरपे येथील मारुती काशिनाथ देसाई ते पाण्याच्या टाकीपर्यंत रस्ता काँक्रीटीकरण करणे (१० लाख), जिजामाता पाण्याची टाकी ते शिवाजी खाशाबा माने घर रस्ता काँक्रीटीकरण करणे (१० लाख), कृष्णा गणपती माने ते पार्वती रतु माने घर रस्ता काँक्रीटीकरण करणे (१० लाख), विकास जिजाबा देवकर ते संजय मारुती देवकर घर रस्ता काँक्रीटीकरण करणे (१० लाख), तांबवे शिव ते मारुती काशिनाथ देसाई घरापर्यंत रस्ता काँक्रीटीकरण करणे (१० लाख) अशा एकूण ८० लाखांच्या विकासकामांचा समावेश आहे.

सदरच्या विकासकामांना लवकरच प्रारंभ करण्यात येणार असल्याने, काले व किरपे गावांच्या विकासाला चालना मिळणार आहे. त्यामुळे या भागातील ग्रामस्थांमधून मंत्री ना. जयकुमार गोरे, आ.डॉ. अतुलबाबा भोसले यांच्यासह महायुती सरकारचे आभार मानण्यात येत आहेत.

➖➖➖➖➖➖➖➖➖➖➖➖➖➖➖

#KaradSouth #KaleVillage
#KirpeVillage #RoadDevelopment
#RuralDevelopment #GramVikas
#PanchayatiRaj #JaykumarGore
#AtulBabaBhosale #BJP
#MahayutiGovernment #SataraNews
#ChangbhalaNews #DevelopmentWorks
#InfrastructureDevelopment