कराड, प्रतिनिधी | चांगभलं वृत्तसेवा
भारतीय राज्यघटनेचे शिल्पकार भारतरत्न डॉ. बाबासाहेब आंबेडकर यांच्या १३५ व्या जयंतीनिमित्त कराड दक्षिण काँग्रेस कमिटीच्यावतीने व वारुंजी जिल्हा परिषद गटाच्यावतीने अभिवादन करण्यात आले.
याप्रसंगी राष्ट्रीय काँग्रेसचे कराड दक्षिण तालुका अध्यक्ष नामदेव काशिनाथ पाटील व त्यांच्या सुविद्य पत्नी आणि वारुंजी जिल्हा परिषद गटाच्या सदस्या सौ. सुनंदा नामदेव पाटील यांनी वारूंजी जिल्हा परिषद गटाच्यावतीने जयंतीनिमित्त डॉ. बाबासाहेब आंबेडकर यांच्या पुतळ्याला पुष्पहार घालून अभिवादन केले. यावेळी राष्ट्रीय काँग्रेस पक्षाचे युवा नेते इंद्रजित चव्हाण, महाराष्ट्र प्रदेश काँग्रेस कमिटीचे चिटणीस प्रदीप जाधव, कराड पंचायत समितीचे सदस्य रवींद्र बडेकर, माजी उपसरपंच बाळासाहेब चव्हाण (वारुंजी), माजी उपसरपंच भिमराव जमाले (मुंढे), शिवाजीराव जमाले (मुंढे) तसेच अमृत पवार (खोडशी) आदी मान्यवर उपस्थित होते.
सर्व मान्यवरांनी डॉ. बाबासाहेब आंबेडकर यांच्या पुतळ्यास पुष्पहार अर्पण करून अभिवादन केले. यावेळी डॉ. आंबेडकर यांच्या विचारांचा प्रचार व प्रसार करण्याचा निर्धार व्यक्त करण्यात आला.
➖➖➖➖➖➖➖➖➖➖➖➖➖➖
#KaradNews #ChangbhalaNews #Karad
#चांगभलंन्यूज
0 टिप्पण्या