चांगभलं प्रतिनिधी | कराड
कराड तालुक्यात दुष्काळाची गंभीर परिस्थिती असून कराड तालुका हा शासनाने दुष्काळग्रस्त तालुक्यांच्या यादीत समावेश करावा, या मागणीसाठी राष्ट्रीय काँग्रेस पक्षाच्यावतीने कराड उत्तर काँग्रेसचे तालुकाध्यक्ष बाबुराव पवार यांच्या नेतृत्वाखाली मंगळवारी कराड येथे तहसीलदारांना निवेदन देण्यात आले.
प्रारंभी काँग्रेस पदाधिकारी व कार्यकर्त्यांनी शिवतीर्थावर छ. शिवाजी महाराजांना अभिवादन केले. त्यानंतर तहसीलदारांना निवेदन देण्यात आले. यावेळी कराड तालुका दुष्काळी तालुक्यांच्या यादीत समावेश करावा, यासाठी काँग्रेस कार्यकर्त्यांनी घोषणा दिल्या. यावेळी काँग्रेसचे जिल्हाध्यक्ष नामदेव पाटील, प्रदेश कार्यकारणी सदस्य अजितराव पाटील चिखलीकर, जिल्हा परिषद सदस्य सौ. सुनंदा पाटील यांच्यासह काँग्रेस पक्षाचे अन्य पदाधिकारी व कार्यकर्ते मोठ्या संख्येने उपस्थित होते.
➖➖➖➖➖➖
#karad #Congress #baburaopawar #दुष्काळग्रस्ततालुके #चांगभलंन्यूजपेपर
0 टिप्पण्या