कराड, दि. १३ नोव्हेंबर २०२५ | चांगभलं वृत्तसेवा
कराड नगरपरिषदेच्या पंचवार्षिक निवडणुकीसाठी आज, गुरुवार दिनांक १३ रोजी एकूण ६ उमेदवारांचे ८ अर्ज दाखल झाले. तर काल बुधवारी १ उमेदवाराने अर्ज दाखल केल्याने, आजअखेर एकूण ७ उमेदवारांचे ९ अर्ज दाखल झाले आहेत.
सर्व उमेदवारांनी नामनिर्देशन अर्जासोबत आवश्यक कागदपत्रे जोडून आपले अर्ज कराड नगरपरिषदेचे निवडणूक निर्णय अधिकारी अतुल म्हेत्रे यांच्याकडे सादर केले. तीन दिवसांच्या संथ प्रतिसादानंतर आज चौथ्या दिवशी उमेदवारी अर्ज दाखल करण्यासाठी मोठ्या संख्येने उमेदवारांनी प्रतिसाद दिला.
आज दाखल झालेल्या ८ उमेदवारी अर्जांचे तपशील पुढीलप्रमाणे आहेत:
प्रभाग ३ अ : एकाच उमेदवाराचे तीन अर्ज – सर्वसाधारण महिला गटातून रजनी अधिकराव पवार यांनी ३ अर्ज दाखल केले.
प्रभाग ३ ब : सर्वसाधारण गटातून साहेबराव रवींद्र शेवाळे यांनी अर्ज दाखल केला.
प्रभाग ७ अ : नागरिकांचा मागास प्रवर्ग महिला गटातून अंजली नथुराम कुंभार यांनी अर्ज दाखल केला.
प्रभाग ८ ब : नागरिकांचा मागास प्रवर्ग गटातून संजय चंद्रकांत चन्ने यांनी अर्ज दाखल केला.
प्रभाग १४ अ : नागरिकांचा मागास प्रवर्ग महिला गटातून वर्षा सचिन वास्के यांनी अर्ज दाखल केला.
प्रभाग १४ ब : सर्वसाधारण गटातून शिवाजी पांडुरंग पवार यांनी अर्ज दाखल केला.
निवडणूक आयोगाने जाहीर केलेल्या कार्यक्रमानुसार १७ नोव्हेंबरपर्यंत, रविवार वगळता, सकाळी ११ ते २ ऑनलाईन आणि ११ ते ३ प्रत्यक्ष नामनिर्देशन अर्ज दाखल करण्याची मुदत आहे.
२ डिसेंबर रोजी मतदान तर ३ डिसेंबर रोजी मतमोजणी होणार आहे.
या निवडणुकीसाठी प्रांताधिकारी अतुल म्हेत्रे निवडणूक निर्णय अधिकारी म्हणून, तर रोहिणी शिंदे व प्रशांत व्हटकर सहाय्यक निवडणूक निर्णय अधिकारी म्हणून काम पाहत आहेत.
#कराडनगरपरिषद #कराडनिवडणूक #नगरपरिषदेचीमतदान #रजनीपवार #साहेबरावशेवाळे #अंजलीकुंभार #वर्षावास्के #शिवाजीपवार #कराडराजकारण #SataraNews #KaradPolitics #ChangbhalaNews
0 टिप्पण्या