कराड प्रतिनिधी | चांगभलं वृत्तसेवा
मलकापूर नगर परिषदेच्या पंचवार्षिक निवडणुकीचा अंतिम निकाल जाहीर झाला असून नगराध्यक्षपदाच्या लढतीत भारतीय जनता पक्षाचे उमेदवार तेजस सोनावले यांनी ५२७७ मतांच्या फरकाने दणदणीत विजय मिळवला आहे. तेजस सोनवणे यांना एकूण १०,७४९ मते मिळाली. राष्ट्रवादी काँग्रेसचे उमेदवार आर्यन कांबळे यांना ५४७२, तर शिवसेना शिंदे गटाचे अक्षय मोहिते यांना ७०४ मते मिळाली. या निवडणुकीत भाजपचे जिल्हाध्यक्ष तथा कराड दक्षिणचे आमदार डॉ. अतुलबाबा भोसले यांच्या नेतृत्वाचा करिष्मा दिसून आला.
नगराध्यक्षपदासह नगरपरिषदेच्या विविध प्रभागांतील निकाल जाहीर होताच शहरात उत्साहाचे वातावरण निर्माण झाले. निवडणुकीत अनेक ठिकाणी अटीतटीच्या लढती पाहायला मिळाल्या, तर काही प्रभाग बिनविरोध ठरले.
प्रभाग क्रमांक १ अ मध्ये भाजपाच्या अश्विनी शिंगाडे यांनी राष्ट्रवादीच्या कांचन लोहार यांचा २९८ मतांनी पराभव केला. प्रभाग क्रमांक १ ब मध्ये शिवसेना (उद्धव ठाकरे गट) चे नितीन काशीद पाटील यांनी ३१९ मतांनी विजय मिळवला.
प्रभाग क्रमांक २ अ मध्ये भाजपाच्या गीतांजली पाटील यांनी १२१ मतांनी विजय मिळवला, तर प्रभाग क्रमांक २ ब मध्ये अपक्ष उमेदवार भीमाशंकर माउर यांनी १०६ मतांनी बाजी मारली. प्रभाग क्रमांक ३ अ मध्ये भाजपाचे धनंजय येडगे ३१७ मतांनी विजयी झाले असून प्रभाग क्रमांक ३ ब बिनविरोध ठरला.
प्रभाग क्रमांक ४ अ बिनविरोध झाला, तर ४ ब मध्ये भाजपाच्या कल्पना रैनाक यांनी राष्ट्रवादीच्या उमेदवाराचा ४६ मतांनी पराभव केला. प्रभाग क्रमांक ५ अ मध्ये राष्ट्रवादीच्या मृणालिनी इंगवले यांनी १३५ मतांनी विजय मिळवला, तर ५ ब मध्ये राष्ट्रवादीचेच दादा शिंगण ४९ मतांनी विजयी ठरले.
प्रभाग क्रमांक ६ अ मध्ये भाजपाच्या सीमा सातपुते यांनी ६९० मतांनी दणदणीत विजय मिळवला, तर ६ ब मध्ये सुरज शेवाळे यांनी ८४७ मतांनी विजय मिळवला. प्रभाग क्रमांक ७ अ आणि ७ ब हे दोन्ही प्रभाग बिनविरोध ठरले.
प्रभाग क्रमांक ८ अ मध्ये भाजपाच्या गीता साठे यांनी ३६२ मतांनी विजय मिळवला, तर ८ ब मध्ये भाजपाचे शरद पवार यांनी ३८६ मतांनी बाजी मारली. प्रभाग क्रमांक ९ अ आणि ९ ब हे दोन्ही प्रभाग बिनविरोध ठरले.
प्रभाग क्रमांक १० अ मध्ये भाजपाचे प्रमोद शिंदे यांनी ६२४ मतांनी विजय मिळवला, तर १० ब मध्ये भाजपाच्या स्वाती थोरात यांनी ३५५ मतांनी विजय मिळवला. प्रभाग क्रमांक ११ अ मध्ये भाजपाच्या राज्यश्री जगताप यांनी ३६२ मतांनी, तर ११ ब मध्ये भाजपाचे मनोहर शिंदे यांनी १६६ मतांनी विजय मिळवला.
या निवडणुकीच्या निकालातून मलकापूर नगर परिषदेवर भाजपाचा प्रभाव वाढल्याचे स्पष्ट झाले असून निवडणूक निकालानंतर विजयी उमेदवारांच्या समर्थकांनी शहरात जल्लोष केला.
स्वर्गीय आप्पासाहेबांच्या स्मारकाला अभिवादन...
मलकापूर शहरातील भाजपचे नगराध्यक्ष पदाचे उमेदवार तेजस सोनावले यांच्यासह सर्व विजयी भाजप उमेदवारांनी स्वर्गीय जयवंतराव भोसले तथा आप्पासाहेब यांच्या स्मारकाला भेट देऊन अभिवादन केले.
मलकापूर नगरपरिषद क्षणचित्रे....
एकूण निवडणूक आलेले सदस्य - १ अध्यक्ष २२ सदस्य
बिनविरोध निवडून आलेले सदस्य - ६
नगराध्यक्ष - भाजप
पक्ष /आघाडी /अपक्ष म्हणून निवडून आलेल्या नगरसेवकांची संख्या
- भाजप - १८
- शिवसेना - ०
- राष्ट्रवादी (अजित पवार गट) - २
- शिवसेना (UBT) - १
- राष्ट्रीय काँग्रेस - ०
- अपक्ष - १
0 टिप्पण्या