कराड प्रतिनिधी | चांगभलं वृत्तसेवा
मालखेड ( ता. कराड ) येथील जिल्हा परिषद शाळेची विद्यार्थिनी आदीश्री सचिन तडाके हिची सैनिक स्कूलसाठी निवड झाल्याबद्दल मुक्ता सामाजिक विकास प्रतिष्ठान बेलवडे बुद्रुक - कराड व बेलवडे बुद्रुक येथील ग्रामस्थ यांच्यावतीने मंगळवारी (दि.३) बेलवडे बुद्रुक येथे सत्कार करण्यात आला.
आदिश्री ही मालखेड येथील जिल्हा परिषद प्राथमिक शाळेची इयत्ता पाचवीची विद्यार्थिनी आहे. सैनिक स्कूल प्रवेशासाठी झालेल्या परीक्षेत तिने प्राविण्य मिळवल्याने तिचा बेलवडे बुद्रुक येथील मुक्ता सामाजिक विकास प्रतिष्ठान व बेलवडे बुद्रुक ग्रामस्थांच्यावतीने संयुक्तिक सत्कार करण्यात आला. शाल, श्रीफळ, बुके असे सत्काराचे स्वरूप होते.
यावेळी मुक्ता प्रतिष्ठानचे संजय तडाके यांच्यासह प्रशांत मोहिते, जयवंतराव मोहिते, दत्तात्रय मोहिते, भास्कर तडाके, तानाजीराव वाघमारे, लालासाहेब तडाके, सुभाष तडाके, रवींद्र भोसले, दादासो तडाके, निलेश तडाके, सुमित तडाके आदी उपस्थित होते.
0 टिप्पण्या