भाजपा सेवा अभियानाच्या माध्यमातून नागरिकांच्या प्रश्नांना गती

चांगभलं प्रतिनिधी | सातारा

भारतीय जनता पार्टीचे प्रदेशाध्यक्ष आमदार रवींद्र चव्हाण यांच्या संकल्पनेतून सातारा येथे नुकतेच सेवा अभियान राबविण्यात आले. या अभियानाच्या माध्यमातून नागरिकांच्या प्रश्नांना गती मिळण्यास मदत झाली.
सातारा येथे भाजपाचे जिल्हाध्यक्ष आमदार डॉ. अतुलबाबा भोसले यांच्या मार्गदर्शनाखाली नुकतेच सेवा अभियान पार पडले. यावेळी प्रदेशाध्यक्ष आ. रवींद्र चव्हाण यांचे विशेष कार्य अधिकारी संतोष साखरे यांनी नागरिक, भाजपा पदाधिकारी व कार्यकर्त्यांची विविध शासकीय कामांसंदर्भातील निवेदने स्वीकारली. नागरिकांनी मांडलेल्या समस्या, प्रलंबित प्रकरणे तसेच विविध शासकीय कार्यालयांमध्ये अडकलेल्या कामांची सविस्तर माहिती जाणून घेतली. ज्या प्रकरणांमध्ये तातडीने प्रशासकीय हस्तक्षेप आवश्यक आहे, अशा विषयांबाबत संबंधित शासकीय अधिकाऱ्यांशी दूरध्वनीवरून संपर्क साधून, नियमांच्या चौकटीत आवश्यक ती कार्यवाही करून कामे तातडीने मार्गी लावण्यासाठी सूचना करण्यात आल्या. त्यामुळे नागरिकांच्या दीर्घकाळ प्रलंबित प्रश्नांच्या सोडवणुकीसाठी गती मिळाली. या उपक्रमाला नागरिकांचा उत्स्फूर्त प्रतिसाद मिळाला.
यावेळी आमदार धैर्यशील कदम, पश्चिम महाराष्ट्र संयोजक विक्रम पावसकर, सुनील काटकर, प्रशांत चव्हाण, जिल्हा सरचिटणीस विकास गोसावी, विठ्ठल बलशेटवार, मनीषा पांडे, जिल्हा उपाध्यक्ष विक्रांत भोसले, सोशल मीडिया प्रदेश सदस्य रवींद्र लाहोटी, स्वप्नील पाटील, राहुल शिवनामे यांच्यासह पक्षाचे पदाधिकारी व कार्यकर्ते उपस्थित होते.

➖➖➖➖➖➖➖➖

#भाजपा #सातारा #अतुलबाबाभोसले #SataraNews

#चांगभलं #चांगभलंन्यूज #चांगभलंन्यूजपेपर

#चांगभलंसाप्ताहिक #ChangbhalaNews