चांगभलं प्रतिनिधी | पाटण | ४ ऑगस्ट २०२६
सातारा जिल्ह्यासह कोयना धरणाच्या पाणलोट क्षेत्रात पावसाची संततधार कायम असल्याने कोयना धरणातील पाणीसाठ्यात वाढ सुरूच आहे. मंगळवार, ४ ऑगस्ट रोजी सायंकाळी ५ वाजताच्या आकडेवारीनुसार धरणाची पाणीपातळी २१५३ फूट ७ इंच (६५६.४१२ मीटर) इतकी नोंदविण्यात आली आहे.
सध्या धरणामध्ये एकूण (Gross) पाणीसाठा ९२.४९ टीएमसी (८७.८८ टक्के) असून उपयुक्त (Live) पाणीसाठा ८७.३७ टीएमसी (८७.२६ टक्के) इतका आहे.
गेल्या २४ तासांत धरणाच्या पाणलोट क्षेत्रात कोयना येथे ७ मिमी, नवजा येथे २९ मिमी आणि महाबळेश्वर येथे २७ मिमी पावसाची नोंद झाली आहे. धरणात सध्या २८ हजार ६७३ क्युसेक (०.९३ टीएमसी) पाण्याची आवक सुरू आहे.
दरम्यान, धरण व्यवस्थापनाकडून पाणीसाठा नियंत्रित ठेवण्यासाठी कोयना जलविद्युत प्रकल्पातून १,०५० क्युसेक तर रेडियल दरवाजांतून २३ हजार ८५८ क्युसेक पाण्याचा विसर्ग सुरू आहे. त्यामुळे कोयना नदीपात्रात एकूण २४ हजार ९०८ क्युसेक पाणी सोडण्यात येत आहे.
कोयना नदीकाठच्या नागरिकांनी आणि शेतकऱ्यांनी नदीपात्रात जाणे टाळावे तसेच प्रशासनाच्या सूचनांचे पालन करावे, असे आवाहन करण्यात आले आहे.
➖➖➖➖➖➖
#कोयनाधरण #कोयनाविसर्ग #कोयनानगर #पाऊस
#चांगभलंन्यूजपेपर #चांगभलंन्यूज #चांगभलंसाप्ताहिक
0 टिप्पण्या