पुणे | चांगभलं वृत्तसेवा
आज, २८ जानेवारी २०२६ रोजी सकाळी बारामती विमानतळावर एका गंभीर अपघाताची घटना समोर आली आहे. महाराष्ट्राचे उपमुख्यमंत्री व राष्ट्रवादी काँग्रेस पार्टीचे नेते अजित पवार यांच्या विमानाला लँडिंगदरम्यान अपघात झाला, ज्यामुळे विमान धावपट्टीवरून बाजूला झाले.
या अपघातात अजित पवार यांचा मृत्यू झाल्याचे वृत्त पीटीआय या वृत्तसंस्थेने दिले आहे. तसेच विमानात सोबत असल्याचे सांगण्यात आलेल्या आणखी पाच जणांचा या घटनेत मृत्यू झाल्याचे सांगण्यात येत आहे.
जिल्हा परिषद निवडणुकीच्या पार्श्वभूमीवर अजित पवार यांच्या आज नियोजित सभा होत्या. त्यासाठी सकाळी ते विमानाने बारामती येथे पोहोचले होते. मात्र, लँडिंगच्या दरम्यान विमानाला अपघात झाला. संपूर्ण प्रशासन आणि आपत्कालीन सेवांकडून घटनास्थळी तातडीने बचाव कार्य सुरू असून ही घटना नेमकी कशामुळे घडली याची चौकशी सुरू करण्यात आली आहे. (Photo credit - PTI)
➖➖➖➖➖➖➖➖➖➖➖➖
#अजितपवार #बारामती #विमानअपघात #ब्रेकिंगन्यूज




0 टिप्पण्या