कराड प्रतिनिधी | चांगभलं वृत्तसेवा
कराड दक्षिण मधील शेवाळेवाडी-उंडाळे मार्गावरून डबल सीट दुचाकीवरून येत असताना ज्येष्ठ काँग्रेस नेते, माजी सहकार मंत्री स्वर्गीय विलासराव पाटील उंडाळकर यांचे नातू आदिराज पाटील-उंडाळकर यांच्यावर बिबट्याने हल्ला केला. त्यामध्ये पाटील यांच्या एका पायावर बिबट्याने पंजा मारल्याने ते किरकोळ जखमी झाले आहेत.
आदिराज पाटील यांचे वडील राष्ट्रवादी काँग्रेसचे नेते एडवोकेट उदयसिंह पाटील उंडाळकर हे येळगाव जिल्हा परिषद गटातून निवडणूक लढवत आहेत. त्यामुळे शेवाळेवाडी परिसरातील कार्यकर्त्यांच्या भेटीगाठी घेऊन उंडाळेकडे डबल सीट दुचाकीवरून येत असताना शुक्रवारी रात्री साडेआठ वाजण्याच्या सुमारास ही घटना घडली. आदिराज पाटील तसेच दुचाकी चालक धनाजी पाटील दोघेही सुखरूप आहेत.
0 टिप्पण्या